मंगलवार, जेठ १० २०७९
जेठ १०, काठमाडौं–शिक्षक सेवा आयोगले माध्यामिक तहको अध्यापन अनुमतिपत्र (Teaching License) को लागि खुला गरेको विज्ञापनमा ६७ हजार २६८ जनाले आवेदन दिएका छन् । आयोगको अनुसार शिक्षक लाइसेन्सका लागि ६७ हजार २ सय ६८ जनाले परीक्षा दरखास्त फाराम भरेका हुन् ।
यसअघि आयोगले २०७९ बैशाख २९ गतेसम्म नियमित र जेठ ५ गतेसम्म अबिलम्ब (दोब्बर) शुल्कमा परीक्षा आवेदन फाराम भर्न विज्ञापन गरेको थियो ।
शिक्षक सेवा आयोगले जनाए अनुसार ६७ हजार २ सय ६८ जना कुल आवेदक मध्ये ६५ हजार १ सय ७० आवेदकहरुले मात्र अध्यापन अनुमति पत्रको परीक्षामा समेल हुन पाउने छन भने बँकी २ हजार ९८ जना जसले दरखास्त भरेका तर शुल्क नतिरेका, आधा शुल्क मात्र तिरेका र फारम भर्दा विगारेका उम्मेदवारहरुले परीक्षामा सामेल हुन नपाउने जनाएको छ।
त्यसैगरी प्रदेशगत अन्तर्गत प्रदेश १.मा १० हजार ९४ जनाले आवेदन दिएका छन् । मधेश प्रदेशमा ८ हजार ६ सय ९७ , बागमती प्रदेशमा १७ हजार ७८, गण्डकी प्रदेशमा ५ हजार ६ सय ९६, लुम्बिनी प्रदेशमा १० हजार ९ सय ६२, कर्णाली प्रदेशमा ५ हजार ८ सय १३ र सुदुरपश्चिम प्रदेशमा ६ हजार ८ सय ३६ जनाले आवेदन दिएका छन् ।
शिक्षक लाइसेन्सको परीक्षा असार १८ गते प्रदेशगत रुपमा सञ्चालन हुँदै छ ।
https://www.ottish.com/s/store/courses/description/OTTISH——Live-Test-Series
.png)
