जेठ, २४ गते काठमाडौ । काठमाडौको नयाँबजारमा अवस्थित गीताञ्जली कलेजले आयोजना गरेको 'एसईई कप फुटसल टुर्नामेन्ट-२०८१' को टाइसिट सार्वजनिक गरेको छ। कलेजले एक पत्रकार सम्मेलन आयोजना गरि खेलको टाइसिट सार्वजनिक गरेको हो।

एसईई दिएर बसेका विद्यार्थीहरुलाई लक्षित गरेर प्रतियोगिता आयोजना गरेको स्कुल/कलेजका प्राचार्य बेद प्रसाद पन्तले बताउनुभयो । प्रतियोगितामा ३० वटा टिम सहभागी रहेका छन। भने खेल नकआउट चरणमा खेलाइने छन्।

खेल बिहान ८ बजे देखि नयाँबजारको रिभर फिल्ड फूटसल मैदानमा संचालन हुने छन ।

विद्यार्थीहरुमा लुकेर बसेको प्रतिभालाई प्रस्फुटन गर्ने उदेश्यले खेल आयोजना गरिएको प्राचार्य पन्तले बताउनुभयो। गीताञ्जली स्कुल/कलेजमा अध्यायन गरेका हालसम्म १९ जना विद्यार्थीहरु फूटबलको राष्ट्रिय टिममा समेत खेली सकेकाले खेलको माध्यमबाट विद्यार्थीहरुलाई अगाडि बढाउन र राष्ट्र निर्माणमा सघाउ पुर्‍याउन साथै सामाजिक उत्तर दायित्व अन्तर्गत, राष्ट्रको गहना निर्माण गर्ने उदेश्यले फूटसल टुर्नामेन्ट आयोजना गरिएको प्राचार्य पन्तले बताउनुभयो।

फूटसल प्रतियोगितामा बिजेता प्रथम हुने टिमले रु. २० हजार नगद र द्वितीय हुने टिमले रु.१० हजार नगद, ट्रफी, मेडल र प्रमाणपत्र प्राप्त गर्नेछन। साथै उत्कृष्ट खेलाडि, उत्कृष्ट गोलकिपरले रु. एक हजार सहित, ट्रफी, मेडल र प्रमाणपत्र प्राप्त गर्नेछन। साथै सहभागी खेलाडिहरुले प्रमाणपत्र प्राप्त गर्ने छन।

फूटसल प्रतियोगितामा सहभागी हुनको लागि टिम दर्ता शुल्क रु. तीन हजार राखिएको छ।

फूटसल प्रतियोगितामा उत्कृष्ट खेल्ने ५ जना खेलाडिलाई कक्षा ११ मा पुर्ण नि:शुल्क छात्रवृत्ति दिएर पढाउने घोषणा गरेको छ। गीताञ्जली कलेजले यसअघि आयो जना गरेको बास्केटबल प्रतियोगितामा समेत उत्कृष्ट ५ खेलाडिहरुलाई कक्षा ११ मा नि:शुल्क छात्रवृत्तिमा पढाउने घोषणा गरिसकेको छ।