बुधवार, माघ ३० २०८१
माघ, ३० काठमाडौ। माद्यामिक शिक्षा परिक्षा (एसईई) सञ्चालनको जिम्मा प्रदेशलाई दिइने भएको छ। बोर्डका अध्यक्ष डा.महाश्रम शर्माले कक्षा १० को एसईई परीक्षा सञ्चालनका लागि व्यवस्थापन र व्यवस्थापकीय पक्षका सबै कुरा प्रदेश परीक्षा व्यवस्थापन समितिलाई दिइने बताएका छन् ।
यस भन्दा अगाडी प्रदेशलाई जिम्मेवारी दिए पनि जनशक्ति र भौतिक समस्याका कारण प्रभावकारी रूपमा काम हुन नसकेको बताउँदै अब देखि क्रमशः सबै प्रदेशलाई सशक्तीकरण गरेर लैजाने बोर्डको योजना रहेको बताएका छन् ।
यसअघि कक्षा १० को मौका परीक्षाको सबै जिम्मेवारी प्रदेशलाईनै दिइएको उल्लेख गर्दै जनशक्ति, भौतिक व्यवस्थापन र प्राविधिक असहज भएको अवस्थामा राष्ट्रिय परीक्षा बोर्डले सहयोग गरेर प्रदेशलाई सशक्तीकरण गर्न बोर्डले तयारी थालेको उनको भनाई छ ।
केन्द्रले प्रश्नपत्र निर्माण गरेर पठाउने र प्रदेशले उत्तर पुस्तिका केन्द्रमा पु¥याउने, समन्वय गरेर परीक्षा केन्द्र निर्धारण गर्ने, मर्यादित रूपमा परीक्षा सञ्चालनका लागि जिल्ला र पालिकाहरूसँग समन्वय गर्ने र परीक्षा सञ्चालन पछि उत्तरपुस्तिका परीक्षण सम्परीक्षण गरेर नतिजा प्रकाशनका लागि बोर्डमा पठाउने गरी सबै जिम्मेवारी प्रदेशलाई दिन थालिएको जानकारी दिएका छन् ।
नियमावलीमा यो व्यवस्था भएपनि यस भन्दा अगाडी जनशक्तिको अभाव, भौतिक व्यवस्थापनको अभाव र प्राविधिक असहजता कारणले पूर्ण रूपमा जिम्मेवारी दिन नसकिएकोमा अब देखि सबै जिम्मेवारी प्रदेशलाई नै दिन लागिएको उनको भनाई छ ।
.png)
