बिहिवार, कार्तिक २८ २०८२
२७ कार्तिक/ काठमाडौँ । शिक्षा बिज्ञान तथा प्रविधि मन्त्री महाबिर पुनले हचुवामा युएई अध्ययन लागि नजान अनुरोध गरेका छन् । केही कन्सल्टेन्सीहरूले नेपाल बाट विभिन्न नक्कली कलेज पढ्न विद्यार्थीहरू पठाउने गरेको उल्लेख गर्दै विद्यार्थीलाई नफस्न पुनले सामाजिक सञ्जाल फेसबूकमा मार्फत अनुरोध गरेका हुन् ।
मन्त्री पुनले त्यसरी गएका विद्यार्थीहरूले युएईमा दुख पाईरहेको कुराको जानकारी परराष्ट्र मन्त्रालयले दिएको जानकारी दिएको बताएका छन्।
पुनले लेखेका छन् “युएईमा पढ्न जाने विद्यार्थीहरू सावधान – नेपालका केही कन्सल्टेन्सीहरूले युएईको फ्री जोनमा इन्सटिच्युट दर्ता गरी नेपालबाट विभिन्न नक्कली कलेज पढ्न विद्यार्थीहरू दिन दिनै पठाई रहेको कुराको उजुरी आएको छ । त्यस्ता विद्यार्थीहरूले युएईमा दुख पाई रहेको कुरा को जानकारी परराष्ट्र मन्त्रालयले दिएको छ । सो कुराको गहन छानबिन हुँदैछ । कोही पनि नफस्नु होला ।”
.png)
