सोमवार, पौष २२ २०८१
पुस, २३ गते, काठमाडौ । शिक्षक सेवा आयोगले कार्यसम्पादन मुल्यांकनको आधारमा शिक्षकहरुको बढुवा गरेको छ। आयोगको बढुवा सिफारिस समितिको सचिवालय सुदूरपश्चिम प्रदेश दिपायलले कार्यसम्पादन मुल्याङ्कनको आधारमा शिक्षकहरुको बढुवा नामावली प्रकाशित गरेको हो।
आयोगको मिति २०८१ भदौ २३ गते (दोस्रो संशोधनसहित) प्रकाशित कार्यसम्पादन मूल्याङ्कनका आधारमा गरिने (७५ प्रतिशत) शिक्षक बढुवाको शिक्षक सेवा आयोग, बढुवा सिफारिस समितिको सचिवालय, शिक्षा तथा सामाजिक विकास निर्देशनालय, सुदूरपश्चिम प्रदेश, दिपायलको निर्णयानुसार बढुवाको लागि निवेदन दिएका उम्मेदवारहरू मध्ये शिक्षक सेवा आयोग नियमावली २०५७ (संशोधन सहित) को परिच्छेद ४ को नियम ३३ बमोजिम सबैभन्दा बढी अङ्क प्राप्त गर्ने सुदूरपश्चिम प्रदेश अन्तर्गतका विभिन्न जिल्ला, तह, श्रेणी र विज्ञापन अनुसारका उम्मेदवारहरूको बढुवा नामावली प्रकाशित गरेको जनाएको छ।
बढुवा सिफारिस सम्बन्धी विस्तृत विवरण शिक्षा तथा सामाजिक विकास निर्देशनालय, लुम्बिनी प्रदेशको वेबसाइट https://edd.sudurpashchim.gov.np र शिक्षक सेवा आयोगको वेबसाइट https://tsc.gov.np बाट हेर्न सकिने छ।
आयोगले विभिन्न मितिको निर्णय अनुसार बढुवाका लागि निवेदन पर्न आएका उम्मेदवारहरु मध्ये बढी अंक प्राप्त गर्ने जिल्ला, अंक, श्रेणी र बिज्ञापन अनुसार उम्मेदवारको नामावली प्रकाशित गरिएको जनाइएको छ। साथै प्रदेश समितिले गरेको बढुवा उपर चित्त नबुझेमा यो सूचना प्रकाशित भएको ३५ दिन दिनभित्र तोकिएको शुल्क बुझाई निर्देशनालयमा उजुरी दिन सकिने जनाएको छ ।
हेर्नुस् नामावली !
.png)
