बुधवार, पौष ११ २०८०
पुस, ११ गते काठमाडौँ । त्रिभुवन विश्वविद्यालयको आंगिक क्याम्पस विश्वभाषा क्याम्पसले नयाँ भर्ना खुला गरेको छ । प्रदर्शनीमार्गमा रहेको उक्त क्याम्पसमा चिनियाँ, फ्रेन्च, स्पेनिस, जापनिज, रसियन, इटाली, कोरियन, अरबिक, हिब्रु, प्रारम्भिक अंग्रेजी र लेखन भाषाहरूको नयाँ भर्ना खुलाएको हो ।
विभिन्न अन्तर्राष्ट्रिय भाषा पढ्न इच्छुक विद्यार्थीहरूले पुस १६ देखि पुस २६ गतेभित्र फाराम बुझाउन सक्ने छन्। अंग्रेजीबाहेक सबै भाषाका लागि एसएलसी वा एसीसीमा कम्तीमा सी ग्रेड ल्याएर उत्तीर्ण भएको हुनुपर्ने छ भने अंग्रेजी भाषाको लागि कम्तिमा स्नातक उत्तीर्ण हुनुपर्नेछ ।
यसैबिच क्याम्पसले अंग्रेजी र नेपाली भाषाबाहेक अन्य भाषाका लागि शिक्षक र अनुवादकहरू आवश्यक भएकाले सम्पर्क गर्न समेत सूचनामा उल्लेख छ ।
.png)
